Няся́цкі сельсавет — адміністрацыйна-тэрытарыяльная адзінка ў складзе Клічаўскага раёна Магілёўскай вобласці Беларусі. Цэнтр — аграгарадок (да 2010 года вёска) Нясята.
Утвораны 20 жніўня 1924 года ў складзе Клічаўскага раёна Бабруйскай акругі БССР. Пасля скасавання акруговай сістэмы 26 ліпеня 1930 года ў Клічаўскім раёне БССР. З 20 лютага 1938 года ў складзе Магілёўскай вобласці, з 20 верасня 1944 года — Бабруйскай вобласці, з 8 студзеня 1954 года — Магілёўскай вобласці. З 25 снежня 1962 года сельсавет у складзе Кіраўскага раёна, з 6 студзеня 1965 года — у складзе адноўленага Клічаўскага раёна. 23 снежня 2009 года да сельсавета далучана тэрыторыя скасаванага Віркаўскага сельсавета (6 населеных пунктаў: вёскі Віркаў, Земляніца, Калінаўка, Лянёўка, Міхалоў і Старое Сяло), таксама ў склад сельсавета з Акцябрскага сельсавета перададзены 3 населеныя пункты: вёскі Градкі, Казлы і Новае Сяло, са складу сельсавета ў Патоцкі сельсавет перададзена вёска Турэц[1].
Насельніцтва сельсавета паводле перапісу 2009 года (21 населены пункт) — 2371 чалавек[2], з іх 95,1 % — беларусы, 2,7 % — рускія, 1,0 % — цыганы, 0,6 % — украінцы[3].
У склад сельсавета ўваходзяць 30 населеных пунктаў:
| Назва | Статус |
|---|---|
| Арэхаўка | аграгарадок |
| Асінаўка | вёска |
| Буднева | вёска |
| Віркаў | вёска |
| Градкі | вёска |
| Даклонь | вёска |
| Дуброва | вёска |
| Дулебня | вёска |
| Залаг | вёска |
| Земляніца | вёска |
| Казлы | вёска |
| Калінаўка | вёска |
| Лянёўка | вёска |
| Міхалоў | вёска |
| Новае Сяло | вёска |
| Нясята | аграгарадок |
| Плоскае | вёска |
| Пярэкаль | вёска |
| Равок | вёска |
| Селішча | вёска |
| Смалярня | вёска |
| Станцыя Нясята | пасёлак |
| Старое Курганне | вёска |
| Старое Сяло | вёска |
| Тацянка | вёска |
| Тацянка 2 | вёска |
| Турчанка | вёска |
| Уладзіміраўка | вёска |
| Хадэчын | вёска |
| Чаравач | вёска |