Новадубро́ўскі сельсаве́т — былая адміністрацыйна-тэрытарыяльная адзінка ў складзе Акцябрскага раёна Гомельскай вобласці. Цэнтр — вёска Новая Дуброва.
Утвораны 20 лістапада 1938 года ў складзе Глускага раёна Палескай вобласці БССР у выніку разбуйнення Акцябрскага сельсавета, да сельсавета таксама была далучана тэрыторыя скасаванага Перакальскага нацыянальнага латышскага сельсавета. З 28 чэрвеня 1939 года ў складзе новаўтворанага Акцябрскага раёна Палескай вобласці, з 20 верасня 1944 года — Бабруйскай вобласці, з 8 студзеня 1954 года — Гомельскай вобласці. 16 ліпеня 1954 года скасаваны, тэрыторыя далучана да Акцябрскага сельсавета[1].