Ноак (Noak) — балетмайстар 2-й паловы 18 стагоддзя. Па паходжанні немец.
У 1776—1796 (?) гадах працаваў у Слонімскім тэатры М. К. Агінскага.
Стваральнік (1777), кіраўнік (да 1781 года) і педагог Слонімскай балетнай школы.
Верагодна, выконваў і галоўныя мужчынскія партыі ў балетах тэатра.
Мяркуюць, што ў яго абавязкі ўваходзіла таксама назіранне за балетам у Целяханах.
З 1777 года на слонімскай сцэне выступала жонка Ноака, прымадонна слонімскага балета (апошнія звесткі пра яе адносяцца да 1785 года).