Нацыянальная галерэя Марке
Нацыянальная галерэя Марке (італ.: Galleria nazionale delle Marche) — мастацкі музей рэгіёна Марке, размешчаны ў Палацца Дукале — былой рэзідэнцыі герцагаў Урбінскіх.
Гісторыя
Аснову калекцыі галерэі складаюць творы, перададзеныя цэрквамі і манастырамі Марке на працягу XIX стагоддзя. Шматлікія творы са збору герцагаў Урбінскіх, насупраць, былі страчаны ў мінулыя стагоддзі, і таму ў зборы герцагская калекцыя складае толькі невялікую частку экспазіцыі музея.
Калекцыя музея
Найбольш значныя працы, выстаўленыя ў галерэі Марке, адносяцца да жывапісу ўрбінскага Адраджэння, сярод якіх дзве працы П’ера дэла Франчэска і некалькі прац прыдворных мастакоў Федэрыга да Монтэфельтра. Акрамя таго, добра прадстаўлена жывапіс пачатку Чынквечэнта, да якога адносяцца карціны Рафаэля Санці, і Сейчэнта, да якога адносяцца працы Федэрыка Барочы. На верхнім паверсе галерэі выстаўлена значная калекцыя керамікі.
У частцы зал на першым паверсе размяшчаецца Урбінскі археалагічны музей з багатай зборам антычных эпітафій.
Галерэя
П’ера дэла Франчэска ці Мелоца да Форлі, «Ідэальны горад»
П’ера дэла Франчэска, «Хвастанне Хрыста»
П’ера дэла Франчэска, «Сенігальская Мадонна»
Рафаэль Санці, «Партрэт маладой жанчыны»
Літаратура
- Paolo Dal Poggetto, La Galleria Nazionale delle Marche e le altre collezioni nel Palazzo Ducale di Urbino, Istituto Poligrafico e Zecca dello Stato, Roma 2003.
- Paolo Dal Poggetto, Guida alla Galleria Nazionale delle Marche nel Palazzo Ducale di Urbino, Gebart, Roma 2006.
Катэгорыя·Вікіпедыя·Артыкулы з пераазначэннем значэння з Вікідадзеных
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
Катэгорыя·Урбіна
Катэгорыя·Музеі Італіі
Катэгорыя·Музеі паводле алфавіта
Катэгорыя·Карціны са збораў Нацыянальнай галерэі Марке
Катэгорыя·Марке
Катэгорыя·Вікіпедыя·Артыкулы з крыніцамі з Вікідадзеных