wd wp Пошук:
    ⬜

    Нацыянальная бібліятэка Польшчы

    Нацыянальная бібліятэка Польшчы (польск.: Biblioteka Narodowa w Warszawie) — найбуйнейшая польская навуковая бібліятэка, падначаленая Міністэрству культуры і нацыянальнай спадчыны. Бібліятэка знаходзіцца ў Варшаве. Спецыяльныя фонды захоўваюцца ў Палацы Красінскіх. Нацыянальная бібліятэка Польшчы атрымоўвае абавязковы экзэмпляр усіх публікацый, якія выходзяць у свет у Польшчы. Акрамя Варшаўскай бібліятэкі статус нацыянальнай таксама мае Бібліятэка Ягелонскага ўніверсітэта ў Кракаве.

    Гісторыя

    Першая нацыянальная бібліятэка была заснавана ў Польшчы ў XVIII стагоддзі. Яе заснавалі варшаўскія епіскапы браты Залускія. У 1774 годзе Бібліятэка Залускіх перайшла да камісіі па нацыянальнай адукацыі. У 1817 годзе ў Львове была заснавана бібліятэка Асалінеўм — адна з найбольш значных культурных устаноў Галічыны. 24 лютага 1928 года была заснавана цяперашняя нацыянальная бібліятэка Польшчы. Адкрыццё бібліятэкі адбылося ў 1930 годзе.

    Да Другой сусветнай вайны бібліятэка мела ў сваіх фондах:

    У 1940 годзе фонды бібліятэкі былі падначалены нямецкай акупацыйнай уладзе. Нямецкамоўныя выданні былі забраны і выстаўлены для выкарыстання выключна немцамі ў памяшканні на той час зачыненага Варшаўскага ўніверсітэта. Каштоўныя кнігі былі пераведзены ў Палац Красінскіх у Варшаве. Пасля паражэння Варшаўскага паўстання 1944 года ўсе гэтыя кнігі былі спалены.

    Фонды бібліятэкі

    На сённяшні дзень Нацыянальная бібліятэка Польшчы мае ў сваіх фондах больш за 7 900 000 адзінак захоўвання (звесткі на 2004 год). У сховішчах бібліятэкі было больш за 160 000 тамоў, выдадзеных да 1801 года, 26 000 рукапісаў (з якіх 6 887 нотных рукапісаў), 114 000 партытур, 101 000 атласаў і карт, 2 000 000 кніг, 800 000 гадавых камплектаў часопісаў XIX-XXI стагоддзяў.

    Зноскі

    1. ↑ Global Research Identifier Database — 2015. Праверана 13 мая 2020.

    Спасылкі

    Тэмы гэтай старонкі (8):
    Катэгорыя·Нацыянальныя бібліятэкі
    Катэгорыя·Бібліятэкі Польшчы
    Катэгорыя·Бібліятэкі Варшавы
    Катэгорыя·Вікіпедыя·Артыкулы з крыніцамі з Вікідадзеных
    Катэгорыя·Вікіпедыя·Артыкулы з пераазначэннем значэння з Вікідадзеных
    Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
    Катэгорыя·Бібліятэкі паводле алфавіта
    Катэгорыя·Камандоры з зоркай ордэна Адраджэння Польшчы