Наталі Сарот (фр.: Nathalie Sarraute; пры нараджэнні Наталля Ільінічна Чарняк; 18 ліпеня 1900, Іванава-Вазнясенск, Расійская імперыя — 19 кастрычніка 1999, Парыж, Францыя) — адвакат, французская пісьменніца, родапачынальнік «новага рамана», празаік , крытык, драматург .
Прызнанне пісьменніца атрымала толькі пасля публікацыі яе раманаў «Партрэт невядомага», «Мартэро», «Планетарый» і «Паміж жыццём і смерцю». Уся творчасць Сарот пабудавана на апісанні псіхічных рэакцый. У цэнтры ўвагі яе раманаў падсвядомыя ўсплёскі эмоцый, душэўныя парывы, найтонкія адценні чалавечых пачуццяў.
Апавяданне «Трапізмы» на беларускую мову перакладаў Зміцер Колас.