Нарнія
Нарнія — свет у стыле фэнтэзі, створаны Клайвам Стэйплзам Льюісам, які з’яўляецца месцам дзеяння кніг серыі Хронікі Нарніі. Таксама краіна ў гэтым свеце, якая мае вызначаючае значэнне ў касмалогіі.
У Нарні шматлікія жывёлы размаўляюць, жывуць міфічныя стварэнні і магія з’яўляецца ўласцівасцю шматлікіх істот.
Серыя паказвае гісторыю света ад стварэння да канца. Героямі кніг з’яўляюцца людзі, якія прыходзяць з «нашага свету».
Рэлігія
Нарнія (нарнійскі свет) створана Асланам, Вялікім Ільвом — Богам, які з’яўляецца стваральнікам усяго міраздання. Шанаванне Аслана з’яўляецца сапраўднай рэлігіяй, якую вызнаюць нарнійцы, адступленне ад якой вядзе да розных пагубных наступстваў.
У розныя часы на тэрыторыі Нарніі дзейнічалі Вядзьмаркі, якія адвяргалі шанаванне Аслана і пераследавалі за веру ў Аслана або яе сцвярджэнне.
На поўдні нарнійскага свету, у Тархістане, існуе агідны па нарнійскім меркам культ багіні Таш.
 |
Геаграфія
Асноўны артыкул: Геаграфія Нарніі Нарнія — гэта і весь створаны другасны свет, і краіна, размешчанная відавочна, у ягоным цэнтры. Жыццё зарадзілася менавіта там, астатнія краіны былі заселеныя выхадцамі з Нарніі або з іншых светаў.
Нарнія
На захадзе Раўніна ліхтарнага слупа і Вялікі вадаспад. На поўдні мяжуе з Арландыяй. На паўночным усходзе балоты, дзе жывуць кваклі.
Арландыя
Асноўны артыкул: Арландыя На захадзе мяжуе з Тэльмарам. На поўдначы мяжуе з Нарніяй. На поўдні мяжуе з Тархістанам па рацэ Ветраная стрэлка.
Сталіца Анвард.
Тэльмар
Асноўны артыкул: Тэльмар На ўсходзе мяжуе з Нарніяй і Арландыяй.
Асноўны артыкул: Тархістан
Тархістан
На поўначы пустыня і мяжа з Арландыяй. На паўднёвым захадзе азёры, з якіх выцякае рака. На гэтай рацэ стаіць сталіца Ташбаан.
Усходняе Мора
Мноства астравоў і архіпелагаў усейваюць Усходняе Мора. Найбольш значныя з іх: Гальма, Тэравінфія, Сем Астравоў і Адзінокія Астравы. Імператарам апошніх з’яўляецца нарнійскі кароль, Гальма незалежнае герцагства, Тэравінфія каралеўства.
Жыхары
У Нарніі жывуць людзі, гномы, фаўны, кентаўры, дрыяды, кваклі, жывёлы, якія размаўляюць.
Людзі
Сыны Адама і Дачкі Евы ўваходзілі ў Нарнію некалькі разоў з Зямлі. Яны і іх нашчадкі насяляюць краіны Нарнійскага свету.
Гномы
Аслан назваў іх «Сынамі Зямлі». Сярод гномаў існуюць як мінімум дзве расы: рыжыя гномы і чорныя гномы; адрозненне, якое гучыць у колерах валасоў і барады.
Жывёлы, якія размаўляюць
У Нарніі можна сустрэць правобраз многіх жывёл нашага свету. Жывёлы, якія размаўляюць, значна адрозніваюцца ад іх «нямых» сародзічаў.
Касмалогія
Астраномія
Сузор’і Нарніі адрозніваюцца ад зямных. Узгадваюцца летнія сузор’і Карабель, Молат, Леапард. Паўночная палярная зорка назваецца Вастрыё Кап’я і ярчэйшая за Палярную зорку.
|
Шматсусвецце
Сусвет Нарніі — адзін з бязлікіх сусветаў, сярод якіх і наш з вамі Сусвет, і сусвет Чарна.
Спосабы патрапіць у Нарнію
- Праз зялёны пярсцёнак ў Лесе-Паміж-Сусветамі. Так патрапілі Дыгары Кёрк, Полі Пламер, Эндру Кетэрлі, Джадзіс, Фрэнк і ягоны конь ў Нарнію ў першай хроніцы «Пляменнік чараўніка».
- Выклікам Аслана. Так патрапіла першая каралева Нарніі Алёна ў першай хроніцы «Пляменнік чараўніка».
- Праз Гардэроб. Так патрапіла спачатку Люсі, а потым і іншыя дзеці Пэвэнсі ў Нарнію ў другой хроніцы «Леў, Вядзьмарка і Гардэроб».
- Выкліканы праз Рог Сьюзен. Так патрапілі дзеці Пэвэнсі ў Нарнію ў чацвёртай хроніцы «Прынц Каспіян».
- Праз карціну. Так патрапілі Люсі, Эдмунд Пэвэнсі і Юстэс Шкода ў Нарнію ў пятай хроніцы «Заваёўнік зары, або Плаванне на Край Сусвету».
- Праз дзверы, якія Аслан ператварыў у партал. Так патрапілі Юстэс Шкода і Джыл Поўл у Нарнію ў шостай хроніцы «Сярэбраны фатэль».
- Памёршы ў сваім сусвеце. Так патрапілі Юстэс Шкода і Джыл Поўл; Дыгары Кёрк, Полі Пламер, Пітэр, Эдмунд і Люсі Пэвэнсі ў Нарнію ў семай хроніцы «Апошняя бітва».
Катэгорыя·Артыкулы з незавершанымі раздзеламі
Катэгорыя·Выдуманыя сусветы
Катэгорыя·Хронікі Нарніі