wd wp Пошук:

Нараўлянская сінагога

Нараўлянская сінагога — колішняя драўляная сінагога XVIII ст. ў горадзе Нароўля Нараўлянскага раёна Гомельскай вобласці

Архітэктура

Галоўны фасад. Б. Шышка. 1907
Бакавы фасад. Б. Шышка. 1907

Знешнія формы Нараўлянскай сінагогі паўтараюць тыя, што мелі месца і ў Ваўпянскай. Асаблівую цікавасць выклікае ўладкаванне бакавых веж, якія адрозніваюцца тым, што маюць двух’ярусныя галерэі і больш важнае функцыянальнае прызначэнне. З другога яруса меўся спецыяльны лесвічны закрыты ўваход на галоўную галерэю, што месцілася ўнутры галоўнага аб’ёму. Гэта арыгінальнае і вельмі зручнае з функцыянальнага пункту гледжання рашэнне забяспечвала раздзяленне людскіх патокаў і вызваляла ўнутраную прастору ад залішніх канструкцый.

Ганак Нараўлянскай сінагогі быў вырашаны ў выглядзе невялічкага портыка на чатырох слупах. Разьбярамі былі маляўніча выкананы слупкі, парэнчы і краты вежавых галерэй. Прыгожа выглядалі спараныя арачныя вокны. Сцены на ўзроўні першага яруса не мелі шалёўкі, а на ўзроўні другога былі вертыкальна ашаляваны.

Уладкаванне галерэі для жанчын і знешні пад’ём на яе абумовіў частковы яе кансольны вынас вонку з прымяненнем крывалінейнага даху-застрэшка. Такое канструкцыйнае рашэнне сярод драўляных сінагог не мае аналагаў. Крывалінейны застрэшак пераходзіць у шырокі, аздоблены разьбою фрыз, над якім уздымаецца стромкі трох’ярусны дах. Увагнутыя і выгнутыя профілі дахавых ярусаў разам з дугою застрэшка ствараюць адзіны дынамічны малюнак архітэктурных форм, іх узаемнае перацяканне, лагічным завяршэннем чаму служаць двухсхільныя формы верхняга яруса даху з ашаляванымі ў «елачку» франтонамі.

Літаратура

Спасылкі

Тэмы гэтай старонкі (12):
Катэгорыя·З’явіліся ў XVIII стагоддзі
Катэгорыя·Драўляныя сінагогі Беларусі
Катэгорыя·Будынкі і збудаванні Нароўлі
Катэгорыя·Храмы паводле алфавіта
Катэгорыя·Культавыя збудаванні Нараўлянскага раёна
Катэгорыя·Вікіпедыя·Спасылка на Вікісховішча непасрэдна ў артыкуле
Катэгорыя·Колішнія сінагогі Беларусі
Катэгорыя·XVIII стагоддзе ў Нароўлі
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Вікіпедыя·Славутасці без геаграфічных каардынат
Катэгорыя·Гісторыя Нароўлі
Катэгорыя·Славутасці Нароўлі