Найда́-Бялёўскі канал — меліярацыйны канал у Жыткавіцкім раёне Гомельскай вобласці Беларусі, левы прыток ракі Прыпяць.
Даўжыня канала 33 км[1]. Плошча вадазбору 81,93 км². Пачынаецца за 5 км на поўнач ад вёскі Бялёў, упадае ў старарэчча Прыпяці за 5,5 км на поўнач ад вёскі Хлупін. Прытокі — меліярацыйныя каналы, у тым ліку Найда-Бялёўскі 1-ы, Марохараўскі, Смолавіцкі. Пабудаваны ў 1958 годзе.
У фітапланктоне Найда-Бялёўскага канала зарэгістравана 42 віда водарасцей, у тым ліку такія рэдкія для Беларусі віды, як Cryptomonas pyrenoidifera, Ulnaria delicatissima, Melosira lineata і Verrucodesmus verrucosus[2].