wd wp Пошук: ⬜

Навукова-даследчы цэнтр праблем рэсурсазберажэння НАН Беларусі

Навукова-даследчы цэнтр праблем рэсурсазберажэння НАН Беларусі — былая навуковая арганізацыя ў складзе Аддзялення фізіка-тэхнічных навук НАН Беларусі.

Гісторыя

Утвораны ў 1990 годзе ў Гродне як Аддзел праблем рэсурсазберажэння АН БССР. Пастановай Прэзідыума Нацыянальнай акадэміі навук Беларусі ад 21.06.2001 г. № 77 Аддзел праблем рэсурсазберажэння перайменаваны ў Дзяржаўную навуковую ўстанову «Навукова-даследчы цэнтр праблем рэсурсазберажэння Нацыянальнай акадэміі навук Беларусі».

Ад 2002 да 2006 — у складзе Гродзенскага філіяла НАН Беларусі.

Пастановамі Прэзідыума Нацыянальнай акадэміі навук Беларусі ад 31.01.2012 г. № 12 і ад 31.08.2012 г. № 339 Дзяржаўная навуковая ўстанова «Навукова-даследчы цэнтр праблем рэсурсазберажэння Нацыянальнай акадэміі навук Беларусі» пераўтворана ў Гродзенскі філіял Дзяржаўнай навуковай установы «Інстытут цепла- і масаабмену імя А. В. Лыкава Нацыянальнай акадэміі навук Беларусі». Расфарміраваны ў 2020[1].

Напрамкі навуковай дзейнасці

Навукова-даследчы цэнтр праблем рэсурсазберажэння Інстытута цепла- і масаабмену імя А. В. Лыкава НАН Беларусі выконваў навукова-даследчыя, доследна-канструктарскія работы і ажыццяўляў інавацыйную дзейнасць згодна з прыярытэтнымі напрамкамі, устаноўленымі для яго Пастановай Бюро Прэзідыума НАН Беларусі ад 21.08.2006 № 418:

• Фундаментальныя і прыкладныя навуковыя даследаванні:
  • «Механіка машын, забеспячэнне надзейнасці і бяспекі тэхнічных сістэм, павышэнне канкурэнтаздольнасці прадукцыі машынабудавання» — міжфазныя ўзаемадзеянні ў гетэрагенных асяроддзях на мікра- і нанаўзроўнях, новыя функцыянальныя матэрыялы
  • «Фізічныя, хімічныя, біялагічныя і генетычныя метады і тэхналогіі атрымання новых рэчываў, матэрыялаў, мадыфікаваных біялагічных форм, нанаматэрыялы і нанатэхналогіі» — біямеханіка і дыягностыка біямеханічных сістэм
  • «Распрацоўка новых лячэбных, дыягнастычных, прафілактычных і рэабілітацыйных тэхналогій, прыбораў і вырабаў медыцынскага прызначэння, лекавых і імунабіялагічных прэпаратаў, клеткавых і малекулярнабіялагічных тэхналогій» — рэсурсазберагальныя тэхналогіі ў працэсах вытворчасці матэрыялаў і вырабаў
• Навукова-тэхнічная дзейнасць:
  • «Рэсурсазберагальныя і энергаэфектыўныя тэхналогіі вытворчасці канкурэнтаздольнай прадукцыі» — навукова-тэхнічнае суправаджэнне стварэння і рэалізацыі новых навукаёмістых рэсурсазберагальных вытворчасцей у прамысловасці Гродзенскай вобласці.

Структура ў 2020 годзе

• Лабараторыя «Фізіка и механіка гетэрагенных асяроддзяў і паверхняў»
• Лабараторыя «Аўтаматызаваныя прылады і сістэмы экалагічнага кантролюякасці навакольнага і тэхналагічнага асяроддзя».
• Эксперыментальная доследная база

Кіраўніцтва

• Анатоль Іванавіч Свірыдзёнак — заснавальнік і дырэктар у 1990—2006.

Зноскі

1. ↑ НАУЧНО-ИССЛЕДОВАТЕЛЬСКИЙ ЦЕНТР ПРОБЛЕМ РЕСУРСОСБЕРЕЖЕНИЯ ИНСТИТУТА ТЕПЛО-И МАССООБМЕНА ИМЕНИ А. В.ЛЫКОВА НАН БЕЛАРУСИ, УНП 500838694

Спасылкі

• Афіцыйны сайт (2020)
• Публікацыі НДЦ праблем рэсурсазберажэння ў электронным каталогу Нацыянальнай бібліятэкі Беларусі

Тэмы гэтай старонкі (6):
Катэгорыя·Інстытуты Нацыянальнай акадэміі навук Беларусі
Катэгорыя·Арганізацыі Гродна
Катэгорыя·Вікіпедыя·Шаблон «Вонкавыя спасылкі» пусты
Катэгорыя·Зніклі ў 2020 годзе
Катэгорыя·З’явіліся ў 1990 годзе
Катэгорыя·Нацыянальная акадэмія навук Беларусі