Навасі́льскі раён (руск.: Новосильский район) — адміністрацыйна-тэрытарыяльная адзінка на поўначы Арлоўскай вобласці Расіі. Адміністрацыйны цэнтр — горад Навасіль.
Навасільскі раён мяжуе з Карсакаўскім, Новадзеравенькаўскім, Вярхоўскім, Залегашчанскім і Мцэнскім раёнамі. Плошча раёна складае 778,3 км².
Навасільскі раён быў утвораны 30 ліпеня 1928 года ў адпаведнасці з пастановай УЦВК і СНК РСФСР. У 1963 годзе раён быў скасаваны, але 12 студзеня 1965 года зноў адноўлены.
Раён валодае значнай культурнай спадчынай. Маецца Свята-Духавы мужчынскі манастыр у сяле Задушнае. Упершыню ён быў згаданы ў 1619 годзе, хоць існаваў яшчэ з XVI стагоддзя. З 2004 года на тэрыторыі сяла зарэгістраваная праваслаўная суполка Свята-Духава храма.