wd wp Пошук: ⬜

Міхаіл Міхайлавіч Пяткевіч

У Вікіпедыі ёсць артыкулы пра іншых асоб з прозвішчам Пяткевіч. Міхаіл Міхайлавіч Пятке́віч[1] (2 жніўня 1934 — 28 лістапада 1999) — вучоны ў галіне судовай медыцыны, доктар медыцынскіх навук (1975), прафесар (1977).

Біяграфія

Нарадзіўся ў вёсцы Юзафова (Барысаўскі раён, Мінская вобласць, Беларусь). У 1960 годзе скончыў Віцебскі медыцынскі інстытут і працаваў у ім і з 1970 года займаў пасаду прарэктара. З 1977 года ў Гродзенскім медыцынскім інстытуце. Займаў пасаду загадчыка кафедры, у 1985—1996 гадах — дэкан педыятрычнага факультэта.

Навуковая дзейнасць

Навуковыя працы М. М. Пяткевіча звязаныя з вызначэннем ступені цяжкасці цялесных пашкоджанняў, спосабамі выяўлення відавой прыналежнасці біялагічных тканак, пытаннямі ідэнтыфікацыі асобы.

Сярод апублікаванага:

К методике идентификации личности по черепу методом фотосовмещения. (разам з М. У. Лісаковічам і Л. А. Яфімавым) // Судебно-медицинская экспертиза, 1984, № 4.
Судовая медыцына: Падручнік для студэнтаў мед. ВНУ / В. М. Крукаў, Л. М. Бедрын, М. М. Пяткевіч і інш. — Мн.: Універсітэцкае, 1997. — 496 с.
Арганізацыйна-працэсуальныя палажэнні судовай медыцыны: вучэбна-метадычны дапаможнік да практычных заняткаў па судовай медыцыне / Гродзенскі дзяржаўны медыцынскі інстытут, Кафедра судовай медыцыны з курсам савецкага права. — Гродна: Гродзенскі дзяржаўны медыцынскі інстытут, 1991

Зноскі

↑ БелЭн, 2001

Літаратура

Пяткевіч Міхаіл Міхайлавіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2001. — Т. 13: Праміле — Рэлаксін. — С. 164. — 576 с. — 10 000 экз. — ISBN 985-11-0216-4 (т. 13), ISBN 985-11-0035-8.

Спасылкі

Медыка-псіхалагічны факультэт Гродзенскага дзяржаўнага медыцынскага ўніверсітэта. Гісторыя.