У Вікіпедыі ёсць артыкулы пра іншых асоб з прозвішчам Бушма.
Міхаіл Іванавіч Бушма (нар. 19 ліпеня 1951, в. Дзяляцічы, Навагрудскі раён, Гродзенская вобласць) — беларускі ўрач-фармаколаг. Доктар медыцынскіх навук (1991), прафесар (2003).
Скончыў Гродзенскі дзяржаўны медыцынскі інстытут (спецыяльнасць «Лячэбная справа», 1974; аспірантура, 1977).
Працаваў у Інстытуце біяхіміі НАН Беларусі (1977—1999, галоўны навуковы супрацоўнік, з 1994 — загадчык лабараторыі біяхімічнай фармакалогіі), Гродзенскім дзяржаўным медыцынскім універсітэце (з 1999, педыятрычны факультэт, кафедра фармакалогіі, прафесар, у 1999—2014 — загадчык кафедры).
Навуковыя інтарэсы: рэгуляцыя метабалізму ксенабіётыкаў; біямаркеры схільнасці да арганатаксічнасці ксенабіётыкаў; распрацоўка новых лекавых сродкаў.