Мікала́й Фё́даравіч Дамашке́віч (1949, Жыткавічы, Гомельская вобласць) — беларускі дзяржаўны дзеяч.
Скончыў Магілёўскі машынабудаўнічы інстытут, інжынер-механік (1973), Мінскую вышэйшую партыйную школу (1986).
Працоўную дзейнасць пачаў аўтаслесарам ў Жыткавіцкім СМУ меліярацыі Гомельскай вобласці, працаваў галоўным механікам ПМК-86 трэста “Мазырьсельбуд”. Затым перайшоў на камсамольскую працу. Займаў шэраг кіруючых пастоў ў органах дзяржаўнай улады.
Быў начальнікам Службы кантролю прэзідэнта Беларусі, старшынёй Камітэта дзяржаўнага кантролю Рэспублікі Беларусь (1995 — 1998).[1][2]
З 2 снежня 1998 года прызначаны старшынёй Мінскага аблвыканкама.[2] 7 чэрвеня 2007 года вызвалены ад пасады.[3]
11 студзеня 2008 года прызначаны кіраўніком спраў Прэзідэнта Беларусі.[4] 4 снежня 2009 года Указам Прэзідэнта Рэспублікі Беларусь вызвалены ад пасады кіраўніка спраў прэзідэнта ў сувязі з пераводам на іншую працу.[5]
30 верасня 2010 года быў прызначаны памочнікам Прэзідэнта Рэспублікі Беларусь — галоўным інспектарам па Віцебскай вобласці,[6] 15 верасня 2014 года быў адпраўлены ў адстаўку.[7]
Дэпутат Вярхоўнага Савета Беларусі (1990 — 1995), член Камісіі па таварах народнага спажывання, гандлі і паслугах насельніцтву, член Савета Рэспублікі Нацыянальнага сходу Рэспублікі Беларусь (з 2000 года).