У Вікіпедыі ёсць артыкулы пра іншых асоб з прозвішчам Сіпко. Мікалай Георгіевіч Сіпко́[1] (19 снежня 1906, в. Панкры — 1989) — беларускі вучоны ў галіне ветэрынарыі, доктар ветэрынарных навук (1969), прафесар (1970).
Нарадзіўся у вёсцы Панкры (зараз у Гарадоцкім раёне, Віцебскай вобласці Беларусі). Скончыў Віцебскі ветэрынарны інстытут (1929). У 1930—1954 гадах на ваеннай службе, удзельнік Вялікай Айчыннай вайны, з 1947 года па 1954 год — начальнік ваеннай кафедры Віцебскага ветэрынарнага інстытута. З 1962 года дэкан завочнага факультэта, у 1963—1972 гадах прарэктар па вучэбнай рабоце.
Аўтар навуковых прац па пытаннях ваенна-ветэрынарнай службы, яе арганізацыі і рабоце ў час Вялікай Айчыннай вайны, гісторыі ваеннай ветэрынарыі ў Расіі.