Мухамед ульд аш-Шэйх аль-Газуанi (араб. محمد ولد الشيخ محمد أحمد ولد الغزواني, фр.: Mohamed Ould Ghazouani; вядомы таксама як Газуанi[1] і ульд Газуанi[2]; нар. 31 снежня 1956 г., Бумдыд, Асаба, Маўрытанія) — маўрытанскі генерал і палітычны дзеяч. На выбарах 22 чэрвеня 2019 года абраны прэзідэнтам Маўрытаніі[3], уступленне на пасаду з 2 жніўня 2019 года[4].
Газуанi з’яўляўся генеральным дырэктарам па нацыянальнай бяспецы[5] і начальнікам штаба Узброеных сіл Маўрытаніі (2008—2018 гады)[6]. Міністр абароны Маўрытаніі з кастрычніка 2018 года па сакавік 2019 года[7][8]. Блізкі паплечнік прэзідэнта Махамеда ульд Абдэль Азіза[4].
Газуанi нарадзіўся ў Бумдыдзе раёна Асаба 31 снежня 1956 года[9]. Належыць да вядомай суфійскай сям’і ў Маўрытаніі. Сын духоўнага лідaра племя мурабітaў Iдэйбусат[10]. Жанаты на доктары Марыям Мінт Махамед Вадхель ульд Да[10][11]. Мае пяцёра дзяцей[12].
Служыў у маўрытанскім арміі з канца 1970-х гадоў. Затым навучаўся ў якасці афіцэра ў Марока. Атрымаў ступень бакалаўра, магістра ў галіне адміністравання і ваенных навук, а таксама прайшоў некалькі ваенных сертыфікатаў і курсаў[12][13].
Газуанi з’яўляецца паплечнікам прэзідэнта Махамеда ульд Абдэль Азіза[14]. У 2005 годзе ўваходзіў у ваенны савет, які зрынуў прэзідэнта Мауя ульд Сід Ахмед Тая. У 2008 годзе як саюзнік Махамеда ульд Абдэль Азіза удзельнічаў у звяржэнні прэзідэнта Сідзі Махамед ульд Шэйх Абдулахі[8][15].
У кастрычніку 2018 года прэзідэнт Махамед ульд Абдэль Азіза прызначыў Газуанi міністрам абароны Маўрытаніі[8][16].
1 сакавіка 2019 года Газуані абвясціў пра свой удзел у прэзідэнцкіх выбарах, імкнучыся замяніць прэзідэнта Абдэль Азіза[1][2][17]. 15 сакавіка 2019 года падаў у адстаўку з пасады міністра абароны для ўдзелу ў выбарах[18]. 22 чэрвеня 2019 года атрымаў перамогу на выбарах, атрымаўшы 52 % галасоў выбаршчыкаў у 1-м туры, і стаў абраным прэзідэнтам краiны[12].