Мескіта або Кордаўская саборная мячэць (ісп.: mezquita — «мячэць») — рымска-каталіцкі сабор (у мінулым — мячэць), размешчаны ў андалускім горадзе Кордава.[5] У Сярэднявеччы была другой па велічыні мячэццю ў свеце. З’яўляецца, магчыма, самым выдатным помнікам дынастыі Амеядаў. Пасля іспанскай Рэканкісты была ператворана ў царкву, а некаторыя дэталі інтэр’еру, накшталт калон і арак, былі стылістычна замененыя на візантыйскі лад.
Гейнэ прысвяціў сабору і Аль-Мансуру верш Альманзор.