Андалусія (ісп.: Andalucía [andaluθia], лац.: Vandalitia, у беларускай традыцыі сустракаецца варыянт Андалузія) — іспанская аўтаномная супольнасць, якая складаецца з васьмі правінцый: Альмерыі, Кадыс, Кардовы, Гранады, Уэльвы, Хаэна, Малагі і Севільі. Яе сталіцай з’яўляецца Севілья. Андалусія знаходзіцца на паўднёва-заходнім ўскрайку Еўропы, на поўдні абмываецца Гібралтарскім пралівам і Міжземным морам, на захадзе мяжуе з Партугаліяй і Атлантычным акіянам. Унутры Іспаніі на поўначы Андалусія мяжуе з Эстрэмадурай і Кастылія — Ла Манчай, на ўсходзе з Мурсіяй.