Мерфін ап Родры (вал.: Merfyn ap Rhodri) (пам. пасля 900 г.) — трэці сын Родры Вялікага і Ангарад ферх Мейрыг.
У 878 годзе яго бацька памёр і ўладанні былі падзелены паміж трыма старэйшымі братамі: Анараўд стаў кіраваць у Гвінедзе, а Кадэл у Сейсілугу. Мерфін стаў кіраўніком Повіса, але толькі ў якасці васала старэйшага брата Анараўда. Мерфін памёр пасля 900 года. Яго спадчыннікам стаў яго старэйшы сын Лівелін.