Марцыбылінскае — возера ў Глыбоцкім раёне Віцебскай вобласці ў басейне ракі Бярозаўка, за 5 км на поўнач ад горада Глыбокае, каля вёскі Марцыбыліна.
Плошча паверхні 0,11 км². Даўжыня 0,6 км, найбольшая шырыня 0,32 км. Даўжыня берагавой лініі 1,45 км. Плошча вадазбору 0,8 км². Схілы вышынёй да 5 м, пад хмызняком. На захад і часткова на ўсход разараныя. Злучана ручаём з Забельскім возерам.
У возеры водзяцца шчупак звычайны, плотка, акунь, карась.
