У Вікіпедыі ёсць артыкулы пра іншых асоб з прозвішчам Дворжак.
Макс Дворжак (чэшск.: Max Dvořák; 14 чэрвеня 1874, Раўдніц, Багемія, Аўстра-Венгрыя — 8 лютага 1921, замак Грусбах (Грушавані) каля Знойма, Чэхаславакія) — аўстрыйскі гісторык мастацтва, чэх па паходжанні.
Вучыўся ў Празе і Вене. З 1902 года выкладаў, з 1909 г. прафесар у Венскім універсітэце. Член венскай Акадэміі навук.
Прадстаўнік Венскай школы мастацтвазнаўства. Працы яго прысвечаны пераважна мастацтву сярэднявечча, Адраджэння, барока. Прасочвае і абгрунтоўвае залежнасць мастацтва ад духоўнага жыцця эпохі, яе філасофіі, эстэтыкі, тэалагічных поглядаў.