Максім Філімонавіч Ус (?, в. Грабінка, Бабруйскі павет, Магілёўская губерня, Расійская імперыя (цяпер — Бабруйскі раён, Беларусь) — студзень 1920) — адзін з кіраўнікоў партызанскага руху на Беларусі ў час яе акупацыі германскімі і польскімі войскамі.
У 1919 г. вучыўся ў Камуністычным універсітэце імя Я. М. Свярдлова. У Першую сусветную вайну на фронце вёў рэвалюцыйную прапаганду сярод салдат. У час нямецкай акупацыі 1918 г. член Рудабельскага падраённага камітэта РКП(б). У 1919 г. адзін з арганізатараў і кіраўнікоў партызанскага атрада. Схоплены польскімі акупацыйнымі ўладамі каля в. Старая Дуброва і закатаваны.
У гарадскім пасёлку Акцябрскі (Гомельская вобласць) імем Уса названа вуліца.