У Вікіпедыі ёсць артыкулы пра іншых асоб з прозвішчам Ракфелер. Майкл Кларк Ракфелер (англ.: Michael Clark Rockefeller, 18 мая 1938 — знік 17 лістапада 1961) — амерыканскі калекцыянер, вандроўнік і антраполаг. Даследаваў культуру папуаскіх народаў на захадзе Новай Гвінеі.
Майкл Кларк Ракфелер нарадзіўся ў заможнай сям’і Н. Э. Ракфелера, будучага віцэ-прэзідэнта ЗША. У 1960 г. скончыў Гарвардскі ўніверсітэт. Некалькі месяцаў служыў у арміі ЗША. Удзельнічаў у гарвардскай экспедыцыі да народа дані ў заходнюю частку Новай Гвінеі. Вярнуўся ў Новую Гвінею яшчэ раз для збору калекцыі прадметаў культуры тады мала вывучанага народа асмат.
17 лістапада 1961 г. каноэ, у якім плылі М. К. Ракфелер і яго галандскі калега было знойдзена перакуленым. Абодва даследчыкі зніклі. Былі арганізаваны пошукі, якія скончыліся беспаспяхова. У 1964 г. быў афіцыйна абвешчаны мёртвым. Мяркуецца, што ён загінуў на рацэ ад кракадзілаў або быў забіты асматамі. Аднак таямнічыя абставіны смерці выклікалі чуткі, што М. К. Ракфелер застаўся жывы і патаемна вядзе існаванне сярод тубыльцаў.
Яго калекцыя драўляных скульптур стала важнай асновай збору культуры асмат у музеі Метраполітэн у Нью-Ёрку[5]. У 1963 г. урад Інданезіі на доўгі час зачыніў землі асмат для даследчыкаў. Дазвол на правядзенне экспедыцый быў дадзены толькі ў 1991 г. За гэты час традыцыйная культура асмат зведала значныя змены.[6].
Аб пошуках М. К. Ракфелера быў зняты дакументальны фільм, які ўтрымоўваў этнаграфічныя звесткі і стаў своеасаблівым помнікам маладому даследчыку.