wd wp Пошук:
    ⬜

    МАЗ-365022

    МАЗ-365022МАЗ-365022МАЗ-365022 на ВікісховішчыМАЗ-365022 на ВікісховішчыАгульныя даныя

    Вытворца: Мінскі аўтамабільны завод
    Выпуск: 2019—цяперашні час
    Зборка: Брэсцкі машынабудаўнічы завод
    [Дызайн](/Дызайн "Дызайн")
    Тып(ы) кузавы: Цэльнаметалічны фургон
    На рынку
    Звязаныя: JAC Sunray
    Падобныя мадэлі: МАЗ-281

    МАЗ-365022 — беларускі малатанажны грузавы аўтамабіль (грузавы фургон). Ліцэнзійная версія кітайскай мадэлі JAC Sunray. Афіцыйны дэбют адбыўся ў маі 2019 года[1]. У чэрвені 2022 года на рынак выпусцілі аблегчаную машыну (дазволеная маса — 3,5 тоны)[2].

    Вытворчасць

    Зборка ажыццяўляецца на Брэсцкім машынабудаўнічым заводзе (уваходзіць у холдынг «БелаўтаМАЗ») з машынакамплектаў кампаніі JAC Motors. Зборка мікрааўтобусаў і фургонаў буйнавузлавая, вядзецца паставым метадам: кузаў падымаецца на адмысловым пад’ёмніку, пасля ўсталёўваецца сілавы агрэгат, мацуюцца элементы трансмісіі, падвескі, масты, колы.

    Станам на верасень 2021 года з канвеера сышлі 80 грузавых і 13 грузапасажырскіх аўтамабіляў[3].

    Агляд

    Кузаў — паўкапотнай кампаноўкі, суцэльнаметалічны з інтэграванай рамай. Колькасць месцаў для сядзення — 3. Заднія дзверы — двухстворкавыя, бакавыя — ссоўныя. Габарытныя памеры: даўжыня — 6000 мм; шырыня — 2100 мм; вышыня — 2800 мм. Колавая база — 3570 мм. Аб’ём грузавога адсека — 12,2 куб.м. Аб’ём паліўнага бака — 80 л, бака для AdBlue — 16 л.

    У базавую камплектацыю ўваходзяць кандыцыянер, круіз кантроль, задні парктронік, электрычныя шклопад’ёмнікі, электрапрывад люстэркаў, цэнтральны замок, МР3-магнітола.

    Рухавік

    Аўтамабіль абсталёўваецца радным чатырохцыліндравым дызельным рухавіком JAC HFC4DE1-1D з турбанаддзіманнем. Рабочы аб’ём цыліндраў — 2746 куб.см; магутнасць — 149,5 к.с. пры 3200 аб/хв; максімальны круцільны момант — 355,0 Нм пры 1800-2600 аб/хв. Сістэма сілкавання — упырск паліва пад ціскам (Bosch). Нагнятальнік — Holset HE200. Экалагічны клас — Еўра-5. Сістэма выпуску — з адным глушыцелем і сістэмай нейтралізацыі адпрацаваных газаў SCR. Рухавік размешчаны спераду падоўжна.

    Трансмісія

    Каробка перадач — механічная, 6-ступеньчатая, JAC LC6T32 або ZOMAX/ZM6T82. Колавая формула — 4х2. Прывад — задні.

    Шасі

    Пярэдняя падвеска — незалежная спружынная, з папярочнымі рычагамі, амартызатарамі і стабілізатарам папярочнай устойлівасці; задняя — залежная рысорная, з амартызатарамі і стабілізатарам папярочнай устойлівасці.

    Рулявое кіраванне — з гідраўзмацняльнікам.

    Працоўная тармазная сістэма двухконтурная, з гідраўлічным прывадам і падзелам на контуры пярэдняй і задняй восяў, з ABS і сістэмай размеркавання тармазнога высілка (EBD). Тармазныя механізмы: спераду — дыскавыя; ззаду — барабанныя. Шыны — 185/75 R16C.

    Мадыфікацыі з максімальнай дазволенай масай 3,5 тоны маюць аднаскатныя заднія колы. Каляіна пярэдніх і задніх колаў аднолькавая — 1760 мм. Шыны — 215/75R16C або 215/75R16LT. Тормазы — дыскавыя і спераду, і ззаду. Дадаткова абсталяваныя сістэмай курсавой устойлівасці.

    Мадыфікацыі

    Брэстмаш-343004

    Гл. таксама

    Зноскі

    1. ↑ Фургон МАЗ-365022 впервые выставлен на всеобщее обозрение. Можно оценить и прицениться.(руск.) . abw.by (30 мая 2019). Праверана 29 студзеня 2022.
    2. ↑ МАЗ выводит на рынок России обновленные микроавтобусы. Но конкурировать им придется с JAC Sunray(руск.) . abw.by (22 чэрвеня 2022). Праверана 22 чэрвеня 2022.
    3. ↑ ОАО «Брестмаш» с Днем машиностроителя!(руск.) . «Вечерний Брест» // vb.by (26 верасня 2021). Праверана 29 студзеня 2022.
    4. ↑ МАЗ-365022-520-000. Апісанне МАЗ-365022 на афіцыйным сайце вытворцы(руск.) . maz.by. Архівавана з першакрыніцы 1 жніўня 2020. Праверана 26 чэрвеня 2020.
    5. ↑ МАЗ-365022-520-020. Апісанне МАЗ-365022 на афіцыйным сайце вытворцы(руск.) . maz.by.
    6. ↑ Минск промышленный: парад автомобильных новинок на выставке, посвященной Дню города(руск.) . abw.by (9 верасня 2022). Праверана 10 верасня 2022.
    7. ↑ Новое облегченное шасси МАЗ-365022-540-020 начали выпускать в Бресте.(руск.) . abw.by (29 верасня 2022). Праверана 29 верасня 2022.
    8. ↑ Брест выпустил первый собственный автомобиль – “Брестмаш-343001”(руск.) . abw.by (30 чэрвеня 2020). Праверана 29 студзеня 2022.
    9. ↑ Автомобильные новинки на “Белагро-2021”: рассматриваем, изучаем, оцениваем(руск.) . abw.by (3 чэрвеня 2021). Праверана 29 студзеня 2022.
    10. ↑ Завод “МАЗ-Купава” создал изотермическую модификацию фургона МАЗ-365022. На заводе подтвердили приход односкатки(руск.) . abw.by (24 верасня 2020). Праверана 29 студзеня 2022.

    Спасылкі

    Тэмы гэтай старонкі (6):
    Катэгорыя·Фургоны
    Катэгорыя·Аўтамабілі МАЗ
    Катэгорыя·Аўтамабілі, прадстаўленыя ў 2019
    Катэгорыя·Аўтамабілі 2020-х
    Катэгорыя·Аўтамабілі паводле алфавіта
    Катэгорыя·Аўтамабілі 2010-х