Ліёнскі ўніверсітэт імя Жана Мулена (фр.: Université Jean-Moulin-Lyon-III) — французская дзяржаўная вышэйшая навучальная ўстанова са статусам універсітэта з сядзібай у горадзе Ліён.
Універсітэт, вядомы таксама як 3-і Ліёнскі ўніверсітэт, узнік у пачатку 1970-х гадоў у выніку расколу калектыву 2-га Ліёнскага ўніверсітэта пасля падзей мая 1968 года. Універсітэт быў афіцыйна створаны ў 1973 годзе. Ён быў арганізаваны па кансерватыўнай мадэлі, у адпаведнасці з якой дзейнічалі «старыя» французскія ўніверсітэты да падзей 1968 года. Універсітэт вядомы сваімі крайне правымі поглядамі, некаторых выкладчыкаў нават абвінавачвалі ў расізме ці антысемітызме, што прыводзіла да шматлікіх праверак установы з боку міністэрства адукацыі Францыі.