Лі́нка (Ліна) — возера ва Ушацкім раёне Віцебскай вобласці Беларусі. Знаходзіцца за 26 км на паўночны ўсход ад Ушачаў, прыкладна за 0,5[1] км у напрамку на паўночны ўсход ад вёскі Красная Горка.
Возера знаходзіцца ў басейне ракі Заходняя Дзвіна. Плошча паверхні складае 0,16 км². Даўжыня возера — 0,6 км, найбольшая шырыня — 0,4 км. Даўжыня берагавой лініі — 1,58 км.
Схілы катлавіны возера маюць вышыню да 8 м, пераважна разараныя. На ўсходзе вышыня схілаў складае да 3 м, знаходзяцца пад хмызняком. На паўднёвым усходзе ў возера ўпадае ручай. На паўночным усходзе возера ручаём злучаецца з сеткай меліярацыйных каналаў.