У Вікіпедыі ёсць артыкулы пра іншых асоб з прозвішчам Рожына.
Лілія Мікалаеўна Ро́жына[1] (6 верасня 1935 — 5 лютага 2020[2]) — вучоны, псіхолаг, кандыдат педагагічных навук (1964[3]), доктар псіхалагічных навук (1993), прафесар (1994). Выдатнік народнай адукацыі.
Нарадзілася ў Мінску. Скончыла сярэднюю школу № 15 і паступіла на філалагічны факультэт Беларускага дзяржаўнага ўніверсітэта[4], які скончыла ў 1958 годзе. У 1960 годзе паступіла ў аспірантуру ў лабараторыю псіхалогіі асобы Навукова-даследчага інстытута псіхалогіі Акадэміі педагагічных навук СССР[4]. З 1960[1] года працавала ў Мінскім дзяржаўным педагагічным інстытуце імя Максіма Горкага (сучасны Беларускі дзяржаўны педагагічны ўніверсітэт імя Максіма Танка), дзе ў 1987—1997 гадах займала пасаду загадчыка кафедры псіхалогіі. У 1964 годзе абараніла кандыдацкую дысертацыю на тэму «Отношение младших школьников к литературным героям, их переживаниям и мыслям»[4], у 1993 годзе — доктарскую на тэму «Художественное познание человека как фактор развития личности старшеклассника»[4].
Аўтар навуковых прац па практычнай псіхалогіі, методыцы выкладання псіхалогіі, псіхалагічных аспектах успрымання мастацтва, псіхалогіі мастацкага пазнання чалавека, ролі мастацтва ў развіцці асобы.
Сярод апублікаванага: