Ляонас Сямёнавіч Арана́ўскас (літ.: Leonas Aranauskas; 12 снежня 1921, Каўнас — 25 лютага 2015, Масква) — расійскі архітэктар літоўскага паходжання.
Скончыў Маскоўскі архітэктурны інстытут (1949). Працаваў у Мінску, а з 1956 года ў Маскве ў інстытуце «Маспраект-2».
Аўтар жылых дамоў у Мінску і Маскве (у тым ліку ў раёне Новыя Чаромушкі, 1958), выставачнага будынка на Чырвонай Прэсні (1973). Разам з Барысам Тхорам праектаваў спартыўны комплекс «Алімпійскі» (1980), за стварэнне якога ўдастоены Ленінскай прэміі (1982).
Пахаваны на Данілаўскіх могілках[2].