У Вікіпедыі ёсць артыкулы пра іншых асоб з прозвішчам Сямёнава.
Людміла Мікалаеўна Сямёнава (нар. 17 чэрвеня 1964, Алма-Ата, Казахстан) — беларускі гісторык, палітолаг. Доктар гістарычных навук (2012), дацэнт (1997, Казахстан; 2003, Беларусь), прафесар[1].
Скончыла Казахскі дзяржаўны ўніверсітэт імя аль-Фарабі (спецыяльнасць «Гісторыя», кваліфікацыя «Выкладчык гісторыі і грамадазнаўства», 1986), Маскоўскі дзяржаўны ўніверсітэт імя М. В. Ламаносава (аспірантура, 1989).
Працавала ў Беларускім нацыянальным тэхнічным універсітэце (з 2012, факультэт тэхналогій кіравання і гуманітарызацыі, кафедра «Гісторыя, сусветная і айчынная культура», дацэнт).
Навуковыя інтарэсы: сацыяльна-эканамічная гісторыя новага і навейшага часу; гісторыя ЗША, Вялікабрытаніі, Канады, Аўстраліі, Новай Зеландыі; трэд-юніянізм, лейбарызм, сацыяльны рэфармізм.