У Вікіпедыі ёсць артыкулы пра іншых асоб з прозвішчам Гразнова. У Вікіпедыі ёсць артыкулы пра іншых асоб з прозвішчам Пракапенка. Людміла Мікалаеўна Гразнова (у дзявоцтве Пракапенка; 8 чэрвеня 1953, Дзяржынск, Мінская вобласць, БССР) — дзяржаўны і палітычны дзеяч Беларусі, эканаміст, праваабаронца. Кандыдат эканамічных навук (1981), дацэнт (1983).
Жыла разам з бацькамі ў в. Путчына і Фаніпалі Дзяржынскага раёна, Плешчаніцах і Старобіне. Бацька, Мікалай Фёдаравіч Пракапенка, быў першым сакратаром Старобінскага райкама партыі. Закончыла БДУ (1975), аспірантуру БДУ (1978), у 1978—1995 гг. выкладчык, дацэнт, дацэнт-дэктарант кафедры палітэканоміі БДУ. Дэпутат Вярхоўнага Савета Беларусі 13-га склікання. У 2004—2008 гг. намесніца старшыні Аб’яднанай грамадзянская партыі. Аўтар і рэдактар навучальных дапаможнікаў, шматлікіх навуковых і публіцыстычных артыкулаў.