Людка (Людміла Данілаўна) Сільнова (20 красавіка 1957, Маладзечна) — беларуская паэтэса.
Нарадзілася ў Маладзечне. Скончыла філалагічны факультэт БДУ ў 1979 годзе. Працавала на Маладзечанскай фабрыцы мастацкіх вырабаў, БДУ, ва ўстановах асветы Уздзенскага раёна і Мінска, з 1986 года ў Нацыянальнай бібліятэцы Рэспублікі Беларусь. Вершы паэтэсы перакладзены на польскую, украінскую, славацкую мовы.