У Вікіпедыі ёсць артыкулы пра іншых асоб з прозвішчам Кадорна. Луі́джы Кадо́рна (італ.: Luigi Cadorna; 4 верасня 1850, Паланца — 23 снежня 1928, Бардыгера) — італьянскі маршал (1924), граф.
На ваенную службу паступіў у 1866 годзе. Займаў розныя камандныя пасады, камандаваў палком, дывізіяй, корпусам. У 1914 годзе быў прызначаны начальнікам Генштаба. Пасля ўступа Італіі ў Першую сусветную вайну, фактычна галоўнакамандуючы італьянскай арміяй. 7 лютага 1917 года расійскі імператар Мікалай II узнагародзіў яго ордэнам Св. Георгія 4-й ступені.
Кадорна ўзначальваў італьянскую армію ў наступах у ракі Ізонца ў 1915—1917 гадах. Пасля разгрому італьянскіх войскаў пры Капарэце ў 1917 годзе Кадорна быў зняты з пасады.
У адстаўцы напісаў некалькі прац пра ўдзел Італіі ў Першай сусветнай вайне.