У Вікіпедыі ёсць артыкулы пра іншых асоб з прозвішчам Аганаў. Леў Рыгоравіч Аганаў (нар. 12 чэрвеня 1942, с. Бузаўка, Днепрапятроўскай вобласці, УССР) — беларускі скульптар.
Скончыў у 1965 годзе Днепрапятроўскае мастацкае вучылішча, у 1974 годзе Інстытут жывапісу, скульптуры і архітэктуры імя І. Я. Рэпіна ў Ленінградзе. З 1974 года — удзельнік мастацкіх выстаў. Член Беларускага саюза мастакоў з 1983 года.
Жыве ў Наваполацку.
Працуе ў манументальнай і станковай скульптуры. Матэрыял — бронза, метал, камень.
Сярод твораў кампазіцыі «Музыка», «Будаўнікі», «Сіняя птушка», помнік воінам-інтэрнацыяналістам, бюст героя абароны Порт-Артура генерала Рамана Кандраценкі (2008) — усе ў г. Наваполацку Віцебскай вобласці, помнік Л. Сапегу у г. Лепель Віцебскай вобласці.
Творы Л. Р. Аганава знаходзяцца ў музеях, галерэях і прыватных калекцыях у Беларусі і за мяжой.
Сыны Сяргей (нар. 1974) і Дзмітрый (нар. 1976) таксама скульптары.