wd wp Пошук: ⬜

Леанід Фёдаравіч Заіка

Леанід Фёдаравіч Заіка (23 жніўня 1948, Гродна — 27 снежня 2020, Мінск) — беларускі эканаміст, палітолаг, аналітык, кандыдат эканамічных навук, дацэнт.

Біяграфія

Бацька быў родам з Украіны, маці нарадзілася ў Курску. Бацька быў ваенным, Гродна стаў новым месцам службы бацькі.

Доўгі час выкладаў у вышэйшых навучальных установах Беларусі, чытаў курсы, быў навуковым супрацоўнікам ў Вышэйшай школе эканомікі (Берлін), Народным універсітэце Кітая (Пекін), Маскоўскім дзяржаўным універсітэце (Расія), Інстытуце эканамічнага развіцця (Вашынгтон), Санкт Пецярбургскім універсітэце (Расія), Кіеўскім універсітэце імя Т. Г. Шаўчэнкі (Украіна) і Ташкенцкім універсітэце (Узбекістан).

У 1991—1994 гадах займаў пасады загадчыка кафедры, прарэктара Нацыянальнага інстытута гуманітарных навук, дэкана эканамічнага факультэта Еўрапейскага гуманітарнага ўніверсітэта.

З 1992 года кіраваў праектамі Сусветнага Банка па макраэканамічнай палітыцы у Беларусі. Як незалежны эксперт, з 1996 года па 1999 год быў членам Савета па эканамічнаму развіццю Савета Міністраў Рэспублікі Беларусь, з 2000 па 2002 год — членам Экспертнага савета Савета Рэспублікі Нацыянальнага Сходу Рэспублікі Беларусь.

У 1996—1997 гадах узначальваў няўрадавую арганізацыю Нацыянальны цэнтр стратэгічных ініцыятыў «Усход-Захад», з 1997 года кіраваў рэспубліканскім грамадскім аб’яднаннем «Аналітычны цэнтр „Стратэгія“».

У 2000 годзе быў навуковым рэдактарам Нацыянальнай справаздачы аб чалавечым развіцці Рэспублікі Беларусь, узначальваў навукова-кансультатыўны савет ПРААН у Беларусі. Распрацоўшчык праграмы «Стратэгія для Беларусі» (1999—2000), шэрагу законапраектаў. З 2004 года з’яўляўся навуковым кансультантам ЦСБТ «Саціо», экспертам шэрагу міжнародных арганізацый.

Быў двойчы жанаты. Другая жонка памёрла раней за яго, таму апошні час ён адзін выховўваў сына-падлетка. У красавіку 2020 года перахварэў на COVID-19, што адбілася на стане здароўя. Памёр раніцай 27 снежня 2020 года ў сваёй кватэры Мінску.

Асноўная бібліяграфія

Аўтар і навуковы рэдактар шматлікіх публікацый у Беларусі і за мяжой, сярод якіх кнігі:

За Вялікай кітайскай сцяной (1991);
Нацыянальна-дзяржаўныя інтарэсы Рэспублікі Беларусь (1999);
Еўропа ХХІ: новыя пагрозы і рызыкі бяспекі (1999);
Беларусь на шляху ў трэцяе тысячагоддзе (2000);
Нацыянальная і рэгіянальная бяспека (2001);
Беларусь — Расія: вектары пераменаў (2002).

Рраздзелы ў кнігах:

Post-Soviet Puzzles (1995, Baden-Baden);
Аmbivalent neighbors (2003, Washington);
Экспартны патэнцыял Беларусі — магчымыя перспектывы для грамадства (2005);
Беларусь: дарога ў будучыню. Кніга для парламента (2005);
Эканамічная стратэгія (2005);
Бізнэс Беларусі: у крузе першым (2006);
Эканамічная Канстытуцыя (2007).

Спасылкі