У Вікіпедыі ёсць артыкулы пра іншых асоб з прозвішчам Сіліч. Леанід Уладзіміравіч Сіліч (нар. 26 сакавіка 1954, г. Драгічын, Брэсцкая вобласць) — беларускі архітэктар.
Скончыў у 1976 годзе архітэктурны факультэт Брэсцкага інжынерна-будаўнічага інстытута па спецыяльнасці «архітэктура» (выкладчыкі А. Д. Кудзіненка, В. М. Саламеннік, М. М. Гайдукевіч). У 1976—1977 гадах працаваў у Гродзенскім філіяле інстытута «Белкалгаспраект»; у 1977—1994 гадах у «Ваенпраекце» № 92; у 1994—1996 гадах у беларуска-аўстрыйскім СП «Дызайн-цэнтр Валор»; у 1996—2003 гадах праектна-вытворчае прадпрыемства «Тэктон»; з 2003 года ў інстытуце «Гроднасельбудпраект».
Асноўныя працы: дом культуры з залай на 300 месцаў у в. Васілішкі Шчучынскага раёна (2005—2008; сааўтары Л. Сянчыла, Т. А. Маркевіч); прыбудова да будынка заводакіраўніцтва Гродзенскага шклозавода па вул. Суворава ў г. Гродна (2002—2008; сааўтар Сіліч); рэканструкцыя з пашырэннем адміністрацыйнага будынка ў в. Васілішкі Шчучынскага раёна (2005—2007; Г. Р. Драб, Захарэвіч); прамтаварная крама па вул. Антонава ў г. Гродна (2000—2008); пункт аўтаматызацыі Лідскіх электрасетак па вул. Ігнатава ў г. Ліда (1992—1995); праекты забудовы жылых пасёлкаў для перасяленцаў з зоны Чарнобыльскай АЭС у в. Побалава, Ціхінічы, Забалацце Рагачоўскага раёна, в. Рэкта Жлобінскага раёна, в. Азёры Гродзенскага раёна (1986, 1990; сааўтар М. А. Сальнікаў); праекты мікрараёнаў сядзібнай жылой забудовы Зарыца, Зарыца-2, Зарыца-З у г. Гродна (1987—1991; сааўтары А. С. Пархута, М. А. Сальнікаў); добраўпарадкаванне цэнтральнай плошчы ў г. Дзятлава. Аўтар праекта з удзелам архітэктараў А. С. Пархута, Б. В. Шмыга, Л. Хахракоў, Купрацэвіч (1998—2003); рэканструкцыя жылой забудовы па вул. Леніна ў г. Ваўкавыску (2004; сааўтары Л. І. Філітовіч, В. Стаяк, Л. Хахракоў, Папоў, Т. А. Маркевіч); комплекс будынкаў машыннага двара ў в. Васілішкі Шчучынскага раёна (2005—2008; сааўтары Т. Лось, Л. І. Філітовіч, В. Стаяк, А. Л. Шапялевіч).