Леанід Захаравіч Паланецкі (9 верасня 1937, Мінск) — беларускі вучоны ў галіне кардыялогіі. Доктар медыцынскіх навук, прафесар.
Скончыў у 1961 годзе Мінскі медыцынскі інстытут. З 1977 у Беларускім НДІ кардыялогіі (загадчык лабараторыі).
Навуковыя працы па інфармацыйных тэхналогіях для аператыўнай дыягносцікі на аснове персанальных камп’ютараў, метадах бескампрэсійнай ацэнкі артэрыяльнага ціску, неінвазійным гемадынамічным маніторынгу, медыкаментознай тэрапіі хворых с кардыягенным шокам і гіпертанічным крызісам.
Дзяржаўная прэмія Рэспублікі Беларусь у галіне навукі і тэхнікі (1996, у аўтарскім калектыве) — за цыкл прац «Стварэнне новых метадаў і апаратуры для дыягностыкі сардэчна-сасудзістых захворванняў на аснове мікрапрацэсарных і камп’ютарных тэхналогій».