У Вікіпедыі ёсць артыкулы пра іншых асоб з прозвішчам Гарагляд. Леанід Іванавіч Гарагляд (1916 — 1986) — генерал-маёр Савецкай Арміі, удзельнік Вялікай Айчыннай вайны, Герой Савецкага Саюза (1948)[1].
Леанід Гарагляд нарадзіўся 13 красавіка 1916 года ў горадзе Асхабаде (цяпер — Ашгабат, Туркменістан) у сям’і чыгуначніка. Па нацыянальнасці беларус[1]. Скончыў рабфак і аэраклуб у Варонежы, працаваў электраманцёрам.
У 1934 годзе Гарагляд быў прызваны на службу ў Рабоча-сялянскую Чырвоную Армію. Скончыў Арэнбургскую ваенную авіяцыйную школу лётчыкаў(руск.) бел.. Участвовал у савецка-фінскай вайне. У чэрвені 1941 года скончыў Ваенна-Паветраную інжынерную акадэмію імя Жукоўскага(руск.) бел.. З кастрычніка таго ж года — на франтах Вялікай Айчыннай вайны. Прымаў удзел у боях на Паўднёвым, Варонежскім, Паўднёва-Заходнім, 1-м і 2-м Украінскіх франтах[1]. Удзельнічаў у боях пад Варонежам, Сталінградскай бітве. З лета 1943 года ў званні падпалкоўніка Гарагляд камандаваў 205-й знішчальнай авіядывізіяй, якая ў кастрычніку 1944 года была пераўтворана ў 22-ю гвардзейскую знішчальную авіяцыйную дывізію 6-га гвардзейскага знішчальнага авіяцыйнага корпуса(руск.) бел.[2].
Да мая 1945 года Гарагляд здзейсніў 132 баявых вылеты, прыняў удзел у 53 паветраных баях, збіўшы 15 самалётаў праціўніка асабіста і яшчэ 6 — у саставе групы[1]. Усяго ж за час вайны здзейсніў 146 баявых вылетаў, апошні з якіх — на Берлін[1].
Указам Прэзідыума Вярхоўнай Парады СССР ад 23 лютага 1948 года за «мужнасць і воінскую доблесць, праяўленыя ў гады Вялікай Айчыннай вайны» гвардыі падпалкоўнік Леанід Гарагляд быў удастоены высокага звання Героя Савецкага Саюза з уручэннем ордэна Леніна і медаля «Залатая Зорка» за нумарам 8307.
Пасля заканчэння вайны працягваў службу ў Савецкай Арміі. У 1950 годзе Гарагляд скончыў Ваенную акадэмію Генеральнага штаба. Удзельнічаў у стварэнні і падрыхтоўцы першага атрада савецкіх касманаўтаў. З 1961 года служыў у Генеральнай інспекцыі Ваенна-паветраных сіл. У 1976 годзе ў званні генерал-маёра авіяцыі Гарагляд быў звольнены ў запас[1]. Жыў у Маскве.
Леанід Іванавіч Гарагляд памёр 12 ліпеня 1986 года, Панаваны на Кунцаўскіх могілках(руск.) бел. Масквы.
Быў таксама ўзнагароджаны пяццю ордэнамі Чырвонага Сцяга, двума ордэнамі Суворава 2-й ступені, ордэнам Айчыннай вайны 1-й ступені, трыма ордэнамі Чырвонай Зоркі, ордэнам «За службу Радзіме ва Узброеных Сілах СССР» 3-й ступені і шэрагам медалёў.