Ашгаба́т[5] (туркм.: Aşgabat) — сталіца і найбуйнейшы горад Туркменістана. Насельніцтва складае 909 тыс. чалавек (2009).
Ашгабат размешчаны на поўдні Туркменістана, за 25 км на поўнач ад мяжы з Іранам на Туранскай нізіне. Горад знаходзіцца ў Ахалскім аазісе на Прыкапетдагскай перадгорнай раўніне. З поўдня — горы Капетдаг, з поўначы — пустыня Каракумы. Вышыня над узроўнем мора — 214—240 м. У 1962 годзе да горада падведзены Каракумскі канал.