У Вікіпедыі ёсць артыкулы пра іншых асоб з прозвішчам Кабакова.
Ларыса Віктараўна Кабакова (дзявочае Бязніцкая; 11 ліпеня 1953 , в. Вугалеўшчына, Талачынскі раён, Віцебская вобласць, БССР) — беларуская вяслярка на байдарках і каноэ. Заслужаны майстар спорту СССР (1973). Майстар спорту СССР міжнароднага класа (1973).
Скончыла ў 1976 годзе Рэспубліканскую школу трэнераў. Чэмпіёнка свету і Еўропы ў веславанні на байдарцы-чацвёрцы (1973, г. Тамперэ, Фінляндыя), сярэбраны прызёр чэмпіянату свету (1974, Мехіка), чэмпіянату свету і Еўропы (1975, Бялград) на байдарцы-чацвёрцы на дыстанцыі 500 м. Чэмпіёнка СССР (1972, 1974), Спартакіяды народаў СССР (1975)(руск.) бел. на байдарцы-двойцы на дыстанцыі 500 м. З 1973 інструктар Спарткамітэта Беларусі. Да 1997 — трэнер па плаванні.