wd wp Пошук: ⬜

Лагатып Google

Сюды перасылаецца запыт «Дудлы». На гэту тэму патрэбны асобны артыкул.

Цяперашні афіцыйны лагатып Google выкарыстоўваецца з 1 верасня 2015. Кампанія змяніла лагатып праз месяц пасля маштабнай рэструктурызацыі. Новы лагатып па-ранейшаму з’яўляецца таварным знакам кампаніі, аднак шрыфт без засечак і з трохі мякчэйшымі колерамі выглядае больш сучасна. Лагатып выкананы ў агульным стылі з лагатыпам кампаніі Alphabet Inc., «якая паглынула» Google у пачатку жніўня.

У апошні раз Google абнаўляла сваю эмблему ў маі 2014 года, ссунуўшы літары ў ёй на два пікселі. Папярэднія тры варыянты лагатыпа былі заснаваны на дызайне, распрацаваным Рутам Кедарам, а першапачатковы варыянт быў створаны Сяргеем Брынам. У святочныя дні, дні нараджэння вядомых людзей, буйныя падзеі, такія як Алімпійскія гульні, Google замяняе свой лагатып на так званыя дудлы (англ. doodle «крэмзаць») — ілюстрацыі, анімацыі ці нават невялікія гульні, якія адносяцца да гэтых падзей[1]. 22 сакавіка 2011 года Google атрымаў патэнт на «Google Doodle».

Дудлы

Усяго было створана звыш 2000 дудлаў. Іх праектаваннем займаецца група ілюстратараў і інжынераў кампаніі Google, якая збіраецца рэгулярна, каб правесці калектыўнае абмеркаванне і вырашыць, якія падзеі будуць святкавацца дудламі. Ідэі для дудлаў яны атрымліваюць са шматлікіх крыніц, уключаючы карыстальнікаў Google. Інжынеры імкнуцца выбіраць цікавыя падзеі і гадавіны, якія адлюстроўваюць індывідуальнасць Google і любоў да навінак. Сярод дудлаў ёсць як глабальныя, якія з’явіліся ва ўсіх краінах свету, так і дудлы, якія з’явіліся толькі ў пэўнай краіне ці некалькіх краінах. У апошні час акрамя дудлаў у выглядзе ілюстрацый усё большае распаўсюджванне атрымліваюць анімаваныя і інтэрактыўныя дудлы.

Святочныя дудлы

Кожны год у святочныя дні Google змяняе свой лагатып на святочныя дудлы: на Новы год, Дзень Святога Валянціна, Дзень Зямлі, Дзень маці, Хэлоўін і іншыя. Таксама Google адзначае святочным дудлам свой дзень нараджэння. Прыклады:

• 31 кастрычніка 2011 года — анімаваны дудл у гонар свята Хэлоўін. У паскораным тэмпе на відэа паказана, як група супрацоўнікаў Google выразае лагатып кампаніі з 6 вялікіх аранжавых гарбузоў.[2]

Юбілейныя дудлы

Google замяняе свой лагатып дудлам у гонар дзён нараджэння вядомых людзей, гадавін з выхаду вядомых гульняў, узвядзення помнікаў культуры і гэтак далей. Прыклады:

• 6 ліпеня 2008 года — лагатып у выглядзе калажу з фрагментаў прац Марка Шагала ў гонар яго 121-годдзя[3].
• 11 лютага 2010 года — на лагатыпе беларускага дамена Google з’явіліся акварэлі Напалеона Орды з нагоды яго дня нараджэння[4].
• 21 мая 2010 года — інтэрактыўны лагатып у гонар 30 гадоў з выхаду гульні Pac-Man. Лагатып дазваляе кіраваць Pac-Man’ам мышкай ці клавішамі са стрэлкамі клавіятуры[5].
• 19 жніўня 2010 года — лагатып быў прысвечаны 50-гадоваму юбілею палёту ў космас сабак Белкі і Стрэлкі[6].
• 5 верасня 2011 года — лагатып да дня нараджэння Фрэдзі Мерк’юры, у якім паказаны мульткліп, створаны кампаніяй Google на песню Don’t Stop Me Now гурта Queen.
• 9 красавіка 2012 года — да 182-годдзя з дня нараджэння Эдварда Мейбрыджа. Лагатып уяўляў сабой 21 сектар рознага колеру, у кожным з якіх бяжаў скакавы конь.
• 23 красавіка 2012 года — да 99-годдзя з дня атрымання Гідэонам Сундбэкам патэнта на зашпільку-маланку.
• 17 верасня 2012 года — дудл да 155-годдзя з дня нараджэння К. Э. Цыялкоўскага.
• 8 лістапада 2013 года — інтэрактыўны дудл да 129-годдзя з дня нараджэння Германа Роршаха.
• 23 лістапада 2013 года — 50-годдзе з дня першай серыі Дактары Хто.
• 21 красавіка 2015 года — у гонар Лох-нескай пачвары на лагатыпе замест літары L была намалявана галава пачвары.

Іншыя дудлы

• Падчас XXX летніх алімпійскіх гульняў кожны дзень з’яўляўся лагатып з новым відам спорту.
• Напярэдадні чаканага збліжэння астэроіда 2012 DA14 з Зямлёй у ноч з пятніцы 15 лютага на суботу 16 лютага 2013 года афіцыйны лагатып быў заменены на анімаваны, у якім пры навядзенні мышкі на першую літару «G» другая літара «g» у назве кампаніі спрабуе ўхіліцца ад астэроіда, які ляціць на яе [7]. Анімацыя была выдалена з лагатыпа пасля ўзрыву метэарыта (не звязанага з астэроідам) над Чалябінскай вобласцю «у знак павагі да пацярпелых»[8].

Абясколераны лагатып

Час ад часу Google паказвае абясколераны лагатып пасля якая адбылася катастрофы[9], часта на працягу некалькіх дзён. Ён з’яўляўся на хатняй старонцы Польскага гугла пасля авіякатастрофы, у якой загінуў прэзідэнт Лех Качыньскі ў красавіку 2010 года. Некалькі дзён праз эмблема выкарыстоўвалася ў Кітаі і Ганконгу, каб засведчыць павагу ахвярам землетрасення[10].

Зноскі

1. ↑ Свята на галоўнай старонцы // Российская газета
2. ↑ Halloween 2011(нявызн.). Архівавана з першакрыніцы 20 верасня 2012. Праверана 1 верасня 2015.
3. ↑ Google віншуе Марка Шагала з днём народзінаў(нявызн.). Архівавана з першакрыніцы 14 ліпеня 2012. Праверана 1 верасня 2015.
4. ↑ Google змяніў свой лагатып у гонар народзінаў Напалеона Орды(нявызн.). Архівавана з першакрыніцы 19 ліпеня 2012. Праверана 1 верасня 2015.
5. ↑ Pacman(нявызн.). Архівавана з першакрыніцы 5 чэрвеня 2012. Праверана 1 верасня 2015.
6. ↑ Anniversary of Belka and Strelka Space Flight(нявызн.).
7. ↑ Google адзначыў лагатыпам збліжэнне астэроіда 2012 DA14 з Зямлёй Архівавана 19 лютага 2013.
8. ↑ Google прыбраў лагатып пра астэроід з-за падзенні метэарыта ў Расіі
9. ↑ Бясколерны лагатып(нявызн.). Архівавана з першакрыніцы 29 снежня 2012. Праверана 1 верасня 2015.
10. ↑ Бясколерны лагатып на хатняй старонцы Кітайскага гугла(нявызн.). Архівавана з першакрыніцы 29 снежня 2012. Праверана 1 верасня 2015.

Спасылкі

• На Вікісховішчы ёсць медыяфайлы па тэме Лагатыпы Гугла
• Афіцыйныя лагатыпы Google

Тэмы гэтай старонкі (5):
Катэгорыя·Старонкі з няправільным сінтаксісам спасылак на крыніцы
Катэгорыя·Google
Катэгорыя·Лагатыпы
Катэгорыя·Вікіпедыя·Ізаляваныя артыкулы/сірата0
Катэгорыя·Вікіпедыя·Перанакіраванні замест артыкулаў