Кірстен Німвэй (нар. 23 сакавіка 1990 года) — пісьменніца, ілюстратар і мастачка з Філіпін.[1][2]
Нарадзілася 23 сакавіка 1990 года ў Маніле ў сям’і філіпінцаў.[3]
Як пісьменніца працуе ў жанры фэнтэзі. З’яўляецца пераможніцай конкурсу раманістаў NaNoWriMo 2014 і 2015 гадоў.[4] Яе першы раман «The Explorers» быў выдадзены ў 2013 годзе на тагальскай мове, а 23 снежня 2014 года і ў англійскай версіі.[5] Праз год убачыў свет другі том прыгод у аўтарскім анімэ сусвеце «The Explorers»[6] з падзагалоўкам «King Maximillian».[7] Апошнія яе выдадзеныя кнігі («Silent Shadows»[8], «Bullet With A Name»[9]) адносяцца да паджанру цёмнага фэнтэзі. У цяперашні час ідзе напісанне новай часткі «The Explorers» з падзагалоўкам «Armageddon».[10]
Як мастачка і ілюстратар у дадатак да малявання персанажаў сваіх кніг з 2015 года прымае ўдзел у аздабленні старонак выпускаў бібліі-размалёўкі «Mr. Mac Bible».[11][12]
Вольны час бавіць агучваннем анімэ.[13] Старэйшая сястра Харкін Дэксімірэ.[14]