Размалёўка
пра від мастацтва гл. Дэкаратыўная размалёўка.
Размалёўка — кніга або старонка з контурнымі малюнкамі для размалёўвання розных кампазіцый алоўкамі, фарбамі, фламастарамі ці іншымі мастацкімі сродкамі. Усе контуры малюнка ў кнізе ўжо надрукаваны, аднак малюнак, звычайна акрамя чорнага колеру, бескаляровы.[1]
Гісторыя
Першыя размалёўкі з’явіліся ў 1880 годзе ў ЗША, з назвай «The Little Folks’ Painting Book» ад кампаніі McLoughlin Brothers. У 1907 годзе аўтар Richard F. Outcault апублікаваў сваю кнігу «Buster’s Paint Book» з коміксамі для дафарбоўвання, пасля гэтага размалёўкі сталі набіраць папулярнасць.
У 1960-я гады надышоў «Залаты час» размалёвак і яны зрабіліся вельмі папулярным таварам у дзіцячых магазінах. У размалёўках былі прадстаўлены ўсемагчымыя малюнкі — ад пыласосаў да аўтмабіляў і герояў розных коміксаў.
З 1980-х гадоў некалькі выдаўцоў выдалі адукацыйныя размалёўкі для дарослых, якія прызначаны для вывучэння прадметаў выпускнога ўзроўню, такія як анатомія і фізіялогія, дзе каляровае кадзіраванне і падобныя схемы выкарыстоўваюцца ў якасці дапамогі навучання. Прыклады ўключаюць «Анатамічная кніга размалёвак» (арыгінальная назва «The Anatomy Coloring Book») і наступную серыю кніг па Wynn Kapit і Lawrence Elson, ад выдавецтва HarperCollins (1990-я гады) і Benlamin Cummings (2000-я гады).
Карысныя ўласцівасці
Аднастайныя рухі алоўкам ці кісцю расслабляюць. Магчымасць самастойна выбіраць колеры і ўяўляць вынік у розных колерах развівае творчасць. Працэс стварэння каляровых малюнкаў вельмі просты, вось чаму размалёўванне папулярна не толькі паміж дзяцей, але і паміж дарослых.
Дзецям размалёўванне дапамагае асвоіць колеры, формы і больш пазнаць аб навакольнам свеце.
Размалёўкі для дарослых
Прыблізна з 2015 года сталі набіраць папулярнасць размалёўкі для дарослых. Напрыклад, у красавіку гэтага года дзве кнігі з размалёўкамі занялі вышэйшыя пазіцыі па продажах на сайце Amazon[2].
Размалёўкі для дарослых даступны ў друкаваным выглядзе: альбомы, кнігі[3], блакноты, штодзённікі[4]. Аднак так жа яны прапаноўваюцца ў лічбавым выглядзе[5]. Такія размалёўкі можна не толькі спампаваць і распячатаць, але і размалёўваць адразу ў электронным асяроддзі з дапамогай розных графічных інструментаў, прызначаных для гэтага. У пісьме для Washington Post Dominic Bulsuto прапанаваў, што тэндэнцыя распаўсюджвання размалёвак для дарослых у лічбавым выглядзе садзейнічае распаўсюджванню жанру, адзначыўшы, что адносна ананімны характар працэса дазваляе людзям адчуваць сябе больш упэўненымі і не адчуваць такой збянтэжанасці, як пры куплі ў рэальным жыцці.
Зноскі
- ↑ РАСКРАСКА — это … значение слова РАСКРАСКА
- ↑ The top two best-selling books on Amazon right now are colouring books for adults. Seriously. National Post. Праверана 24 студзеня 2016.
- ↑ Johanna Basford Coloring Books.
- ↑ Adult Coloring Pages in your Paper Notebook.
- ↑ Sarah Renae Clark’s coloring pages.
Катэгорыя·Жывапіс
Катэгорыя·Дзяцінства