Купальнік[3], або А́рніка[4] (Árnica) — род шматгадовых траў сямейства астравых, або складанакветных (Asteraceae).
Расліны з простым супраціўным лісцем. Кветкі жоўтыя, аранжавыя. Суквецце — кошык. Плод — сямянка з чубком.
Род налічвае больш за 30[5] відаў (33 віды[6]). Прадстаўнікі растуць, галоўным чынам, у Паўночнай Амерыцы, на тэрыторыі Беларусі 1 від — купальнік горны (Arnica montana).
Купальнік горны і некаторыя іншыя віды выкарыстоўваюцца ў якасці лекавых і дэкаратыўных раслін[5].