Крыстафер Дэрэк Хэкан (англ.: Christopher Derec Hacon; нар. 14 лютага 1970, Манчэстэр) — брытанскі матэматык італьянска-амерыканскага паходжання, займаецца вывучэннем алгебраічнай геаметрыі. Прафесар матэматыкі ва Універсітэце Юты, член Лонданскага каралеўскага таварыства (2019).
Хэкан нарадзіўся ў Манчэстэры, яго дзяцінства прайшло ў Італіі, там ён вучыўся ў Вышэйшай нармальнай школе (Піза), пасля заканчэння школы паступіў у Каліфарнійскі ўніверсітэт у Лос-Анджэлесе. У 1998 годзе атрымаў доктарскую ступень у Каліфарнійскім універсітэце, здаў дысертацыю пад кіраўніцтвам Роберта Лазарсфельда.