Крыстоф Гі Дэні Ламбер (фр.: Christophe Guy Denis Lambert; больш вядомы як Крыстафер Ламберт, англ.: Christopher Lambert; нар. 29 сакавіка 1957, Лонг-Айленд, штат Нью-Ёрк, ЗША) — французскі і амерыканскі акцёр, лаўрэат прэміі «Сезар» (1986).
За 30 гадоў кінакар’еры зняўся больш чым у 60 карцінах. Ламберт граў як у камедыях («Арлет», «Эркюль і Шэрлак супраць мафіі», «Чаму я?»), так і ў інтэлектуальным кіно («Падземка», «Забіць святара»). Аднак сапраўдную папулярнасць акцёр атрымаў дзякуючы ролям герояў-адзіночак у фантастычных фільмах і фільмах жанру «экшн» («Крэпасць/Апошні адлік», «Смяротная бітва», «Крутыя ствалы»), сярод якіх самая галоўная — несмяротны воін Конар Маклаўд з фільма «Горац».
Крыстафер Ламберт на Вікісховішчы |