Кру́пань — бяссцёкавае возера ў Беларусі, у Полацкім раёне Віцебскай вобласці, за 37 км на паўночны ўсход ад горада Полацк, на захад ад вёскі Нядружна, у басейне ракі Палата.
Плошча паверхні 0,33 км². Даўжыня 0,78 км, найбольшая шырыня 0,7 км. Даўжыня берагавой лініі 2,42 км. Плошча вадазбору 2,75 км².
Катлавіна возера рэшткавага тыпу. Схілы катлавіны вышынёй 2—3 м, спадзістыя, параслі лесам. Берагавая лінія звілістая. Берагі пераважна высокія і пясчаныя.