Краса́ўка[3][4] (Atrópa) — род кветкавых раслін сямейства Паслёнавыя (Solanaceae).
Па старажытнагрэчаскай міфалогіі, Атропа — адна з сясцёр Мойр, багіня падземнага свету, ўвасабляе няўхільнасць смерці.
Шматгадовыя карэнішчавыя травы вышынёю да 2 м. Лісце суцэльнае, на кароткіх чаранках. Кветкі буйныя, адзіночныя. Плод — ягада. Ядавітая.
Адрозніваецца каля 5 відаў. Пашырана ў Еўразіі, Паўночнай Афрыцы. На тэрыторыі Беларусі інтрадукавана красаўка беладонна (Atropa belladonna), або соннае ачмурэнне, ці шалёная ягада.