У гэтага паняцця ёсць і іншыя значэнні, гл. Конда (значэнні).
Ко́нда (руск.: Ко́нда[1]) — рака ў Расіі, у Заходняй Сібіры, у Ханты-Мансійскай аўтаномнай акрузе — Югра, левы прыток ракі Іртыш.
Даўжыня ракі 1097 км, плошча вадазборнага басейна 72,8 тыс. км². Сярэдні расход вады — 310[1] м³/с. Цячэ па Кондынскай нізіне ў шырокай плоскай даліне, рэчышча вельмі звілістае. Сілкаванне змяшанае, з перавагай снегавога. Працяглае разводдзе, расцягваецца да глыбокай восені, замярзае ў канцы кастрычніка — пачатку лістапада, ускрываецца ў канцы красавіка — сярэдзіне мая. Сплаўная, суднаходная на 744 км (685[2] км) ад вусця.
Асноўныя прытокі: злева — Мулым’я, Вялікі Тап, Юконда, Кама; справа — Ейцья, Кума.