«Ко́жная трэ́цяя. За зачы́ненымі дзвяры́ма» (руск.: Каждая третья. За закрытой дверью) — беларускі кароткаметражны дакументальны фільм, зняты ў 2016 годзе.[1] Стаў лепшым беларускім фільмам на 6-ым фестывалі кароткаметражнага кіно «Cinema Perpetuum Mobile».[2]
Кожная трэцяя жанчына ў краіне падвяргаецца фізічнаму гвалту ў сям’і, кожная шостая — сэксуальнаму. Хатні гвалт — тое, што адбываецца з сотнямі тысяч беларускіх жанчын за зачыненымі дзвярыма. Тысячы жанчын не могуць атрымаць належнай абароны і дапамогі, тысячы агрэсараў застаюцца беспакаранымі — у Беларусі адсутнічае спецыялізаваны закон аб папярэджанні хатняга гвалту.