Кле́йнікаўскі сельсавет — адміністрацыйна-тэрытарыяльная адзінка ў складзе Брэсцкага раёна Брэсцкай вобласці. Адміністрацыйны цэнтр — аграгарадок Клейнікі.
Утвораны 12 кастрычніка 1940 года ў складзе Брэсцкага раёна Брэсцкай вобласці БССР. 16 ліпеня 1954 года скасаваны, тэрыторыя далучана да Рэчыцкага сельсавета[2].
8 верасня 1959 года цэнтр Рэчыцкага сельсавета перанесены ў вёску Клейнікі, сельсавет перайменаваны ў Клейнікаўскі, у склад сельсавета з Матыкальскага сельсавета перададзены 4 населеныя пункты (Кацельня Баярская, Коладна, Церабунь і Шумакі)[3]. 4 верасня 1972 года скасавана вёска Коладна (злілася з вёскай Церабунь)[4].
У склад сельсавета ўваходзяць 7 населеных пунктаў:
Населены пункт | Статус | Насельніцтва | Паштовы індэкс |
---|---|---|---|
Кацельня-Баярская | вёска | 4 | 225037 |
Клейнікі | аграгарадок | 1689 | 225038 |
Костычы | вёска | 52 | 225037 |
Нэплі | вёска | 66 | 225038 |
Пяскі | вёска | 136 | 225038 |
Церабунь | вёска | 184 | 225037 |
Шумакі | вёска | 95 | 225037 |
Да 21 снежня 2007 года ў склад Клейнікаўскага сельсавета ўваходзілі Казловічы[5].
Насельніцтва сельсавета паводле перапісу 2009 года — 2226 чалавек[6], з іх 85,6 % — беларусы, 7,3 % — рускія, 5,1 % — украінцы[7].